पछिल्लो पुस्ताका सर्वाधिक चर्चित एवम् लोकप्रिय गायक प्रकाश सपूत पहिलोपटक टेक्ससको अस्टिन पुगेका छन्। चर्चित गायक सपुतले टेक्ससको अस्टिनमा आफ्नो बेजोड सांगीतिक प्रस्तुति दिएर दर्शकलाइ समेत नचाएका छन् । पहिलो पटक अस्टिन पुगेका प्रकाशले आइतबार साँझ आफ्नो प्रस्तुति दिएका हुन् ।आफ्ना बहुचर्चित गीत पिरबाट प्रस्तुति थालेका उनले गलबन्दी च्यातियो, तिम्रो मायाले मलाई पीर दियो, कुरा बुझ्न पर्च, बुझिन मैले बुझाइदेउ कसैले, सकम्बरी, जस्ता गीतहरु गाएर सबै उमेरका श्रोता दर्शकलाई नचाएका थिए ।
नेप्लिज इन्टरटेनमेन्ट अस्टिन र आत्रेय प्रोडक्ट हाउस संयुक्त आयोजनामा आइतबार भएको नेपाली कल्चर इभेन्ट नामक साँस्कृतिक कार्यक्रममा प्रकास संगै गायिका शान्ति भण्डारी, गायक छवि राज सुनार, गायक सत्य थापा लगायत स्थानिय कलाकारहरुको साँगीतिक तथा साँस्कृतिक प्रस्तुती दिएका थिए ।
पहिलोपटक अस्टिन आइपुग्दा गायक सपूतले आफू निकै खुशी र उत्साहित बनेको बताए। कार्यक्रममा यस क्षेत्रका नेपाली समुदायहरु तीन पुस्ताहरु पनि संगै कार्यक्रम हेर्न र कलाकारहरुलाई हौशला प्रदान गर्न पुगेका थिए । अमेरिकामा जन्मिएका दोश्रो पुस्ताले समेत भरपूर मनोरंजन तथा आनन्द लिएका थिए । उपस्थित दर्शकले कार्यक्रममा कलाकारहरुको स्तरीय प्रस्तुतिले कार्यक्रमको समय बितेको पत्तै नभएको महसुस गरेको बताएका छन। कार्यक्रममा अन्य क्षेत्रबाट समेत दर्शकको उल्लेखिय सहभागिता रहेको आयोजकले दावि गरेको छ ।
