रगतको क्यान्सरबाट पीडित चौरजहारीका २३ वर्षीय प्रकाश टमटाको उपचारका लागि सहयोग गरिदिन परिवारले आग्रह गरेको छ । चौरजहारी नगरपालिका–८ सोतिखोला निवासी रामे टुवटोको छोरा प्रकाशको उपचारका लागि आर्थिक अभाव भएको भन्दै परिवारले सहयोगको अपिल गरेको हो । टमटा हाल त्रिवि शिक्षण अस्पताल, महाराजगञ्जमा उपचाररत छन्
उनका दाई सागर ताम्राकारले उपचारमा धेरै रकम खर्च भइसकेको बताउँदै थप उपचारका लागि आर्थिक समस्या भएको बताएका छन् । उनले सामाजिक संजाल फेसवुकमा एक पोष्ट गर्दै आर्थिक सहयोग गरेर भाइको ज्यान बचाइदिन अपिल समेत गरेका छन ।
‘सहयोग गर्न चाहने सहयोगी मनहरुले सहयोग गरे प्रकाशले पुर्नजीवन पाउँथे, त्यसैले सहयोगको अपिल गरेका हौं’, उनका दाई ताम्राकारले भने । सहयोग गर्न चाहनेलाई राष्ट्रिय बाणिज्य बैंकमा रहेको खाता नं. 4450100000825106 मा सहयोग जम्मा गरिदिन ताम्राकारले आग्रह गरे ।
सहयोगका लागि उनका तपशिलमा उल्लेख नम्बरमा सम्पर्क गर्न सकिने छ ।
___________________________
