लोकप्रिय गायक तथा संगीतकार किरणबाबु पुनको आवाजमा ‘पिपल बोट मुनी’ बोलको गीत सार्वजनिक भएको छ । लोकप्रिय भारतिय गायिका सञ्जीवनी र गायक तथा संगीतकार किरणबाबु पुन आवाजमा ‘पिपल बोट मुनी’ बोलको गीत सार्वजनिक भएको हो । किरणबाबुकै शब्द तथा सुमधुर संगीतमा तयार भएको गीतको संगीत संयोजन कमल सौरागले गरेका हुन् ।
शंकरा डिजिटलमा रेकर्ड गरिएको उक्त गीतको भिडियोलाई खड्ग बहादुर पुन खबपुले निर्देशन गरेका छन । गायक तथा मोडल राम्जी खाँड र मोडल करिश्मा ढकालको अभिनय रहेको सो गीतको भिडियोलाई अजय रेग्मीले खिचेका हुन् ।
लयमा विविधता खोजेर केहि फरक गर्ने कोशिस गरेको गायक तथा सर्जक किरणबाबु पुनले बताएका छन् । राजकुमार मगरले भिडियो सम्पादन गरेको उक्त गीतलाई किरणबाबु पुनको युटुब च्यानलबाट दर्शक श्रोता माझ ल्याइएको छ ।
भिडियो हेर्नुहोस्
