रुकुम पश्चिमकाे चौरजहारी नगरपालिका वडा नम्वर ७ का अन्दाजी ३९ वर्षिय प्रेम प्रसाद जैसीको पहिरोमा परेर भारतमा मृत्यु भएको छ ।
रोजगारीको सिलसिलामा भारत जानुभएका उहाँको रोहुड भन्ने ठाउँमा गएको पहिरोमा परेर आईतबार मृत्यु भएको हो ।
उहाँ एक हप्ता अघिमात्र घरबाट रोजगारीको खोजीमा भारत जानुभएको परिवारले जनाएको छ । उहाँको घरमा श्रीमतीको साथमा एक छोरा र एक छोरी रहेका छन् ।
मृतक जैसी चौरजहारी नगरपालिका वडा नम्वर ७ का वडा अध्यक्ष भिम प्रसाद जैसीका माईला भाई हुनुहुन्छ ।
