दाङ, २ मंसिर । दाङको बंगलाचुलीमा सडक निर्माणको क्रममा डोजर पल्टिँदा चालकको मृत्यु भएको छ । दुर्घटनामा अर्का एकजना घाइते भएका प्रहरीले जनाएको छ ।
सडक निर्माणका क्रममा रा १ क ९१४ नम्बरको डोजर पल्टिँदा त्यसका चालक घोराही १० बुधौराका २२ वर्षीय सुनिलकुमार विकको मृत्यु भएको जिल्ला प्रहरी कार्यालय दाङले जनाएको छ ।
दुर्घटनामा डोजरका सहचालक बर्दिया गुलरियाका राजकुमार चौधरी घाइते भएका छन् । बङ्गलाचुली गाउँपालिकाको मुर्कुट्टीदेखि बङ्गलाचुली पार्कको भ्युटावर जोड्ने सडक मर्मतका क्रममा डोजर पल्टिएको बङ्गलाचुली गाउँपालिकाका अध्यक्ष भक्तबहादुर वलीले जानकारी दिए ।
